- *एरंडोल न.पा.निवडणूक छाननीत १२८ नामनिर्देशन पत्रांपैकी १७ नामनिर्देशन पत्रे अवैध व १११ नामनिर्देशन पत्रे वैध घोषित……!*
- एरंडोल प्रतिनिधी :– एरंडोल नगरपरिषद सार्वत्रिक निवडणूकीसाठी मंगळवारी १८ नोव्हेंबर २०२५ रोजी नगराध्यक्ष पद व २३ नगरसेवक पदांसाठी प्राप्त झालेल्या नामनिर्देशन पत्रांची छाननी न.पा. कर्मवीर अभ्यासिका सभागृहात होऊन १२८ पैकी १७ नामनिर्देशन पत्रे अवैध तर १११ नामनिर्देशन पत्रे वैध ठरल्याचे घोषित करण्यात आले.त्यात नगराध्यक्ष पदासाठी ४ अर्ज अवैध ठरविण्यात आले असून ७ उमेदवारांचे ८ उमेदवारी अर्ज वैध झाले.तसेच नगरसेवक पदाचे प्राप्त ११६ नामनिर्देशन पत्रांपैकी १३ नामनिर्देशन पत्रे अवैध ठरली व १०३ नामनिर्देशन पत्रे वैध जाहीर करण्यात आली.
काॅंग्रेसचा एबी फाॅर्म न जोडल्यामुळे दिलीप सोनवणे यांचे नामांकन पत्र अवैध ठरविण्यात आले.भाजपाचे डॉ.नरेंद्र ठाकूर,उबाठा शिवसेनेचे रघुनाथ ठाकूर, राष्ट्रवादी काँग्रेस अजित पवार गटाचे गायत्री पाटील यांची नामांकन पत्रे वैध घोषित करण्यात आली.यावेळी निवडणूक निरीक्षक महेश हिंगे, निवडणूक निर्णय अधिकारी तथा तहसीलदार प्रदीप पाटील, सहाय्यक निवडणूक निर्णय अधिकारी तथा मुख्याधिकारी अमोल बागुल,नायब तहसीलदार दिलीप पाटील,उमेदवार व उमेदवारांचे प्रतिनिधी उपस्थित होते.
