एरंडोल न.पा.निवडणूकीत नवख्या उमेदवा्रांमुळे शिंदे शिवसेना पक्षाची सरशी, तर भाजपचे डाॅ.नरेंद्र ठाकूर यांचा युती मुळे दणदणीत विजय……!

*एरंडोल न.पा.निवडणूकीत नवख्या उमेदवा्रांमुळे शिंदे शिवसेना पक्षाची सरशी, तर भाजपचे डाॅ.नरेंद्र ठाकूर यांचा युती मुळे दणदणीत विजय……!*
एरंडोल – येथील नगरपालिकेच्या सार्वत्रिक निवडणुकीसाठी म्हसावद रस्त्यालगतच्या इनडोअर स्टेडियम मध्ये २१ डिसेंबर २०२५ रोजी मतमोजणी होऊन निकाल घोषित करण्यात आला.नगराध्यक्ष पदी भाजपाचे डॉ. नरेंद्र धुडकू ठाकूर यांनी ९२९४ मताधिक्य घेत दणदणीत विजय मिळविला.विशेष हे की राष्ट्रवादी काँग्रेस अजित पवार गट नगराध्यक्ष उमेदवार गायत्री दिपक पाटील या दुसऱ्या क्रमांकावर राहील्या.तर उबाठाचे रघुनाथ राजाराम ठाकूर हे तिसऱ्या क्रमांकावर राहीले.उर्वरित दोन अपक्ष उमेदवार दर्शना ठाकूर व भोलानाथ महाले यांना ४ अंकी मताचा आकडा गाठता आला नाही.शिंदे शिवसेना पक्षाने आपली जादू दाखवत नगरसेवक पदाच्या ११ जागा पटकावल्या तर भाजपाने पुर्वीप्रमाणेच ४ जागा राखण्यात यश मिळाले.तर प्रभाग क्रमांक ११ मध्ये राष्ट्रवादी काँग्रेस अजित पवार पक्षाने तिन्ही जागा काबिज केल्या.मतदारांनी अपक्षांना देखील मोठ्या प्रमाणात कौल देऊन ५ अपक्ष उमेदवारांच्या कपाळाला विजयी गुलाल लावला.
सकाळी १० वाजता मतमोजणीस प्रारंभ होऊन सर्व २२ नगरसेवक व नगराध्यक्ष पदाचा निकाल दुपारी १ वाजेच्या सुमारास घोषित करण्यात आला.मतमोजणीच्या वेळी उमेदवारांचे समर्थक व कार्यकर्त्यांची मोठी गर्दी झाली होती.निकाल जाहीर होताच समर्थक व कार्यकर्त्यांनी फटाके फोडून व गुलालाची उधळण करून जल्लोष करण्यात आला.प्रारंभी २२ नगरसेवक पदांचे निकाल घोषित झाल्यावर शेवटी नगराध्यक्ष पदाचा निकाल घोषित करण्यात आला.मतमोजणीच्या वेळी पोलिस निरीक्षक निलेश गायकवाड व त्यांच्या सहकाऱ्यांनी चोख बंदोबस्त ठेवला.निवडणूक निर्णय अधिकारी तथा तहसीलदार प्रदीप पाटील, सहाय्यक निवडणूक निर्णय अधिकारी तथा मुख्याधिकारी अमोल बागुल यांनी काम पाहिले.विजयी उमेदवारांनी आपल्या समर्थक व कार्यकर्त्यांसह सवाद्य विजयी मिरवणूक काढून मतदारांच्या गाठीभेटी घेतल्या.विजयी उमेदवारांचे ठिकठिकाणी औक्षण करण्यात आले.जवळपास ९ वर्षांच्या प्रदीर्घ कालखंडानंतर या निवडणुक निकालाने आता खऱ्या अर्थाने लोकप्रतिनिधींच्या हाती नगरपालिकेची सत्ता सोपवली जाणार असल्यामुळे मतदारांमध्ये व विजयी उमेदवारांच्या आशा पल्लवित झाल्या आहेत.
*एरंडोल नगरपालिका सार्वत्रिक निवडणुक २०२५*
*लोकनियुक्त नगराध्यक्ष निकाल*

१) ठाकूर नरेंद्र धुडकू, भाजपा, मिळालेली एकूण मते १४,४८०
२) पाटील गायत्री दिपक, राष्ट्रवादी काँग्रेस,मिळालेली एकूण मते ५१६३
३) ठाकूर रघूनाथ राजाराम, शिवसेना उबाठा,मिळालेली मते २,४६२
४) ठाकूर दर्शना विजयकुमार,अपक्ष,मिळालेली मते ४४९
५) महाले भोलानाथ नामदेव,अपक्ष,मिळालेली मते ५१३

लोकनियुक्त नगराध्यक्ष पदाचे उमेदवार डॉ. नरेंद्र धुडकू ठाकूर हे ९२९४ मताधिक्याने विजयी.

*विजयी नगरसेवक,पक्ष व मिळालेली मते पुढीलप्रमाणे.*

प्रभाग क्रमांक १अ
कल्पना मनोज पाटील, शिंदे शिवसेना (१४४६ मते)

प्रभाग क्रमांक १ब
रविंद्र संतोष महाजन,अपक्ष ( ११४१ मते)
प्रभाग क्रमांक २ अ
डॉ.गितांजली नरेंद्र ठाकूर, भाजपा ( १०८० मते)
प्रभाग क्रमांक २ब
अमोल किशोर तंबोली,अपक्ष ( ७७४ मते)
प्रभाग क्रमांक ३ अ
छाया आनंद दाभाडे, शिंदे शिवसेना ( ११४० मते)
प्रभाग क्रमांक ३ब
कमल गोपाल पाटील, शिंदे शिवसेना ( १०१२ मते)
प्रभाग क्रमांक ४अ
मयूर दिलीप महाजन,अपक्ष(१३६६ मते)
प्रभाग क्रमांक ४ब
सुनिता रूपेश माळी, शिंदे शिवसेना( १४४६ मते)
प्रभाग क्रमांक ५अ
सत्यभामाबाई माधव पाटील, शिंदे शिवसेना (१११६ मते)
प्रभाग क्रमांक ५ब
प्रा.मनोज नथ्थू पाटील, शिंदे शिवसेना(१२४५ मते)
प्रभाग क्रमांक ६अ
अनिल केशव महाजन, शिंदे शिवसेना ( ८५१ मते)
प्रभाग क्रमांक ६ब
आरती अतुल महाजन,अपक्ष(६७३ मते)
प्रभाग क्रमांक ७ ब
कृष्णा प्रल्हाद ओतारी,अपक्ष(१३५४ मते)
प्रभाग क्रमांक ८अ
भारती मनोज गुर्जर, भाजपा ( ११०१ मते)
प्रभाग क्रमांक ८ब
पौर्णिमा महेश देवरे, शिंदे शिवसेना(८५७ मते)
प्रभाग क्रमांक ९अ
नितेश कैलास चौधरी, भाजपा (१०६० मते)
प्रभाग क्रमांक ९ब
जिजाबाई वसंत पाटील, भाजपा (११५२ मते)
प्रभाग क्रमांक १०अ
मनकरनाबाई चैत्राम चौधरी, शिवसेना (१३८१ मते)
प्रभाग क्रमांक १०ब
नय्यमखां दलशेरखां पठाण, शिवसेना ( ११९७ मते)

प्रभाग क्रमांक ११ अ
नजमाबी सईद कागजी राष्ट्रवादी काँग्रेस (२३०४ मते)
प्रभाग क्रमांक ११ब
शबानाबी नुरूद्दीन सय्यद, राष्ट्रवादी काँग्रेस (२२२५ मते)
प्रभाग क्रमांक ११क
इम्रानअली जाफरअली सय्यद, राष्ट्रवादी काँग्रेस(२३०५ मते)