एरंडोल येथे आमदार ॲड.अमोल पाटील यांच्या हस्ते नव्या ५ जिजाऊ बसगाड्यांचे लोकार्पण, आमदारांनी स्वतः बस चालवून घेतला प्रवासाचा अनुभव………..!

*एरंडोल येथे आमदार ॲड.अमोल पाटील यांच्या हस्ते नव्या ५ जिजाऊ बसगाड्यांचे लोकार्पण, आमदारांनी स्वतः बस चालवून घेतला प्रवासाचा अनुभव………..!*

एरंडोल प्रतिनिधी – एरंडोल विधानसभा मतदारसंघातील कणखर नेतृत्व तथा आमदार ॲड.अमोल चिमणराव पाटील यांनी शासन दरबारी सातत्यपूर्ण पाठपुरावा करून एरंडोल आगारासाठी ५ जिजाऊ बसगाड्या मिळवण्यात यश मिळवले.सदर नवीन बसगाड्यांचे एरंडोल आगारात आगमन झाले असून आमदार अमोल पाटील यांच्या हस्ते या बसेसचा लोकार्पण सोहळा १३ ऑगस्ट २०२६ गुरुवारी उत्साहात पार पडला.याप्रसंगी शिवसेनेचे जिल्हाप्रमुख वासुदेव पाटील, जिल्हा समन्वयक जगदीश पाटील, युवासेना जिल्हाप्रमुख प्रा.मनोज पाटील, उपजिल्हाप्रमुख मनीष पाटील, एरंडोलचे लोकनियुक्त नगराध्यक्ष डॉ.नरेंद्र ठाकूर, शिवसेनेचे तालुकाप्रमुख रविंद्र जाधव, पारोळा शिवसेनेचे शहरप्रमुख तथा गटनेते अमृत चौधरी, उपनगराध्यक्ष कृष्णा ओतारी, माजी उपनगराध्यक्ष रूपेश महाजन, विद्यमान नगरसेवक अनिल महाजन,सुदाम राक्षे, मयुर महाजन, गोपाळ पाटील, महेश देवरे,बाळा पाटील, बबलू चौधरी,कुणाल महाजन,अतुल महाजन आदी मान्यवरांची उपस्थिती होती.
लोकार्पण सोहळ्याप्रसंगी आमदार अमोल पाटील यांनी केवळ बसला हिरवा झेंडा दाखवून लोकार्पण न करता स्वतः बसचे स्टेअरींग हाती घेत बस चालवली.त्यामुळे बसस्थानकातील प्रवासी व उपस्थित मान्यवर आगाराचे कर्मचारी यांच्यात विशेष उत्साहाचे वातावरण निर्माण झाले.या कृतीतून आमदारांची सार्वजनिक वाहतूक व्यवस्थेची बांधिलकीची कृती अधोरेखित झाली.
प्रास्ताविक व सूत्रसंचालन किशोर मोराणकर यांनी केले.आभारप्रदर्शन आगार व्यवस्थापक दिलीप महाजन यांनी केले.
” रस्ते, पाणी, शिक्षण, आरोग्य यासोबत सार्वजनिक वाहतूक व्यवस्था सक्षम करणे आवश्यक आहे.एरंडोल आगाराला मिळालेल्या ५ नवीन जिजाऊ बसमुळे बससेवा सक्षम करण्यासाठी मोलाची भर पडणार आहे.” असे प्रतिपादन आमदार ॲड.अमोल पाटील यांनी यावेळी केले.